Untitled Document

SÖHBƏT ADAQ HAQQINDA

“Adaq qurbanının əti yeyilməz.” [Buxari]
“Axır zamana yaxın elə bir cəmiyyət gələr ki, xəyanət edərlər, onlara inanmaq olmaz. İstənmədən şahidlik edərlər. Adaq edərlər, yerinə yetirməzlər.” [Buxari]

Bu hədisi-şəriflər adağın dində olduğunu göstərir. Adağın ikinci bir faydası yenə var. O da adaq səbəbiylə xəsislər mallarını xeyrə sərf edərlər. İki hədisi-şərif məalı belədir:

“Adaq Allahın təqdirini dəyişdirməz, lakin adaq bəzən talehə uyğun olub, bu da xəsisin əsirgədiyi malını verməsinə səbəb olar.” [Müslim]

“Allahu təala buyurur ki: Adaq təqdiri dəyişdirə bilməz, lakin daha əvvəl belə bir xeyir etməz ikən nəzirlə xəsisdən bir xeyir çıxmış olar.” [Buxari]

“Adaq təqdiri dəyişdirməz” demək, adaq lazımsız demək deyildir. Namaz, oruc təqdiri dəyişdirməz. İnsan təqdirdə olanı işləyər. “Filan kişi adaq deyəcək və o işi olacaq” deyə təqdir edilmişdirsə, o iş əlbəttə, olar.
 

Şərtə bağlı olaraq Övliyaya adaq etmək də, özünü günahı çox, dua etməyə üzünün olmadığını bilərək, mübarək bir şəxsi səbəb edib, Allahu təalaya yalvarmaq deməkdir. Məsələn, “Xəstəm yaxşı olarsa savabı Seyyidət Nəfisə həzrətlərinə olmaqla Allah üçün bir qoyun kəsmək nəzirim olsun” deyərkən, bu arzunun qəbul olduğu çox görülmüşdür. Burada Allah üçün qoyun kəsib savabı övliyaya bağışlanmaqda, onun şəfaətiylə Allahu təala xəstəyə şəfa verməkdə, qəzanı, bəlanı yox etməkdədir.