Уй учун... Амалий тавсиялар

•  Котлетнинг тузини тўлиқ пишганидан кейин илова қилиш керак. Чунки олдин сепилса қаттиқлашиб қолади.
• Чинни идишларни узоқ муддатга ювилмаган ҳолда қолдирмаган маъқул. Сим ёки қаттиқ нарсалар билан ҳам ювмаслик керак.
• Чойнак ва қаҳва идишлари қорайган бўлса, қайнатилган сода суви қуйилиб, 12 соат кутилади.
• Агар кекс ва торт пиширадиган идишларни занг босган бўлса, сув билан ювманг. Буларни аввал ёғлаб, кейин сувни сингдириб оладиган қоғоз ёки салфетка билан тозаланг.
• Тиш чёткасининг устига озгина туз сепиб тишлар ишқаланса, тишлар ҳам тоза бўлади, ҳам тезда оқаради.
• Пойафзалингизнинг териси қурғаб қаттиқлашган бўлса, оз миқдорда бодом ёғи билан глицеринни аралаштириб суртсангиз юмшайди.

Куннинг тарихи...

Астана куни

2008 йил 23 июль куни Қозоғистон парламент сенатида 6 июль – Остона куни давлат байрами сифатида қабул қилинди.

1994 йил худди шу куни Олма-отадаги парламент пойтахтни Остонага кўчириш ҳақида қарор қабул қилган эди. Шунингдек бу кун президент Нурсултон Абишўғли Назарбоевнинг туғилган куни ҳам.

Остона шаҳри 1997 йили декабрь ойида Қозоғистон Республикасининг пойтахти сифатида эълон қилинган эди. Пойтахтни кўчириш президент Н.А.Назарбоевнинг фикри бўлиб, у янги пойтахтни деярли бўм-бўш жойда барпо қилди. Натижада, Остона – қозоқ халқининг ифтихорига айланди. Чиройли, кўп қаватли бинолари ва бир-бирига ўхшамайдиган меъморий қиёфаси билан чет эллик меҳмонларни лол қолдирадиган замонавий шаҳар қад ростлади. Шунинг учун байрам тадбирлари биринчи президентнинг туғилган куни – 6 июлда нишонланиб келмоқда.